វៀតណាម៖ ភា្នក់ងារផ្គត់ផ្គងថាមពលអគ្គីសនីរបស់រដ្ឋវៀតណាម EVN កាលពីថ្ងៃពុធ បានអំពាវនាវដល់ប្រជាពលរដ្ឋឱ្យសន្សំសំចៃថាមពល ខណៈព្រមានអំពីការខ្វះខាតអគ្គិសនីចាប់ពីខែក្រោយដោយសារការផ្គត់ផ្គង់ធ្យូងថ្មខ្វះខាត។

នៅក្នុងសេចក្តីថ្លែងការណ៍របស់ EVN បានឱ្យដឹងថា៖ «ការផ្គត់ផ្គង់ធ្យូងថ្មនឹងបន្តប្រឈមមុខនឹងការលំបាកនាពេលអនាគត ហើយនេះបានបណ្តាលឱ្យមានហានិភ័យនៃការខ្វះខាតថាមពលចាប់ពីខែមេសា។ […] ពលរដ្ឋគួរបិទឧបករណ៍អគ្គិសនីប្រសិនបើមិនប្រើប្រាស់ ជៀសវាងការប្រើឧបករណ៍អគ្គិសនីច្រើនពេក»។

វៀតណាមដែលជាមជ្ឈមណ្ឌល ដែលមានសេដ្ឋកិច្ចរីកចម្រើនលឿនបំផុតមួយនៅអាស៊ី កំពុងពឹងផ្អែកកាន់តែខ្លាំងឡើងលើការនាំចូលធ្យូងថ្មសម្រាប់ផលិតថាមពល។ រដ្ឋាភិបាលបានលើកឡើងកាលពីដើមខែនេះថា ប្រទេសនេះកំពុងប្រឈមមុខនឹងការខ្វះខាតការផ្គត់ផ្គង់ធ្យូងថ្មបន្ទាប់ពីការ«ឆ្លងមេរោគ COVID-19» ។

នៅក្នុងត្រីមាសទីមួយ រោងចក្រថាមពលដែលដំណើរការដោយរដ្ឋទទួលបានត្រឹមតែ ៧៦ ភាគរយនៃ ៥.៨៥ លានតោននៅក្នុងការគ្រោងទុក។

EVN បាននិយាយថា៖ «នេះបានបង្ខំឱ្យរោងចក្រថាមពលធំៗចំនួន ៤កាត់បន្ថយអត្រាដំណើរការរបស់ពួកគេមកត្រឹម ៦០ភាគរយ នៃសមត្ថភាពផលិតបានកាលពីមុន»៕